Í samræmi við skipulagslög nr. 123/2010 hefur bæjarstjórn Ísafjarðarbæjar samþykkt eftirfarandi deiliskipulagsáætlun:
Nýtt deiliskipulag. Sæborg, Aðalvík. Deiliskipulagið felur í sér að nú er gert ráð fyrir nýju frístundahúsi á lóð nr. 3 til viðbótar þeim tveim sem fyrir eru. Deiliskipulagið byggir á aðalskipulagsbreytingu sem tók gildi 9. apríl 2018 á svæði F41 í aðalskipulagi Ísafjarðarbæjar 2008-2020, þar sem er heimild fyrir 3 nýjum frístundahúsum til viðbótar við þau 12 sem nú eru á svæðinu. Umrætt frístundahús er eitt af þeim.
Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.
Ísafirði, 7. febrúar 2019.
Axel Rodriguez Överby skipulagsfulltrúi.
|