1. gr.
Svohljóðandi ákvæði til bráðabirgða bætist við reglur um fjárhagsaðstoð frá Reykjavíkurborg á eftir gildistökuákvæði reglnanna í 37. gr.:
Ákvæði til bráðabirgða.
Þeir einstaklingar sem taka þátt í tilraunaverkefninu IPS (Individual Placement Support) eiga rétt á undanþágu frá ákvæði 1. mgr. 12. gr. hvað varðar frádrátt tekna við ákvörðun um upphæð fjárhagsaðstoðar. Heimilt verður að veita undanþágu vegna atvinnutekna sem nema allt að 50.000 kr. á mánuði. Tilraunatímabilið mun standa frá 1. júlí 2019 til 31. desember 2019.
2. gr.
Breytingar þessar, sem samþykktar voru á fundi velferðarráðs 19. júní 2019 og á fundi borgarráðs 18. júlí 2019, eru byggðar á 21. gr. laga nr. 40/1991 um félagsþjónustu sveitarfélaga, með síðari breytingum, og taka gildi við birtingu.
Borgarstjórinn í Reykjavík, 19. júlí 2019.
Dagur B. Eggertsson.
|