1. gr.
Eftirfarandi breytingar verða á 47. gr. samþykktarinnar:
- Umhverfis- og skipulagsnefnd. Fimm aðalmenn og jafnmargir til vara. Nefndin fer með skipulags- og byggingarmál samkvæmt skipulagslögum nr. 123/2010, skipulagsreglugerð nr. 90/2013 og byggingarreglugerð nr. 112/2012, með umferðarmál samkvæmt umferðarlögum nr. 77/2019 og með veitumál samkvæmt ákvæðum laga og reglugerða um vatns- og hitaveitur. Loks fer nefndin með umhverfis- og náttúruverndarmál samkvæmt náttúruverndarlögum nr. 60/2013. Nefndin fer með önnur málefni samkvæmt erindisbréfi sem henni er sett.
Umhverfis- og skipulagsnefnd er heimilt að samþykkja deiliskipulagstillögur sem fá ekki athugasemdir á auglýsingatíma og umsagnir lögbundinna umsagnaraðila séu ekki þess eðlis að breyta þurfi deiliskipulagstillögu eftir auglýsingu skv. 41. gr. skipulagslaga nr. 123/2010. Umhverfis- og skipulagsnefnd er heimilt að samþykkja grenndarkynningar þar sem deiliskipulag er fyrir hendi, sbr. 44. gr. skipulagslaga nr. 123/2010. Umhverfis- og skipulagsnefnd er heimilt að ákveða nafngiftir á hverfum, götum og torgum. Umhverfis- og skipulagsnefnd skal taka fullnaðarákvörðun um matsskyldu framkvæmdar í C flokki skv. 1. viðauka við lög nr. 106/2000, þegar sveitarfélagið er sjálft framkvæmdaaðili, sbr. 42. gr. sveitarstjórnarlaga nr. 138/2011.
- Velferðarnefnd. Fimm aðalmenn og jafnmargir til vara. Nefndin fer með jafnréttismál samkvæmt lögum um jafnan rétt og jafna stöðu kvenna og karla nr. 10/2008, málefni samkvæmt áfengislögum nr. 75/1998 og málefni aldraðra samkvæmt lögum um málefni aldraðra nr. 125/1999. Nefndin fer með húsnæðismál samkvæmt lögum um húsnæðismál nr. 44/1998 og húsaleigumál samkvæmt húsaleigulögum nr. 36/1994. Nefndin fer með önnur málefni samkvæmt erindisbréfi sem henni er sett.
Við B-hluta 47. gr. samþykktarinnar bætist 12. töluliður sem verður svohljóðandi:
- Öldungaráð. Þrír aðalmenn og jafnmargir til vara skipaðir af bæjarstjórn. Jafnframt sitja í nefndinni 2 aðalmenn og jafnmargir til vara skipaðir af félagi eldri borgara í Snæfellsbæ. Fulltrúi Félags- og skólaþjónustu Snæfellinga situr fundi ráðsins og er starfsmaður þess. Nefndin er bæjarstjórn til ráðgjafar um málefni og hagsmuni er varða íbúa sveitarfélagsins 67 ára og eldri á grundvelli 2. mgr. 38. gr. laga nr. 40/1991 um félagsþjónustu sveitarfélaga, með síðari breytingum. Nefndin fjallar um þjónustu við aldraða og framkvæmd og þróun í öldrunarmálum ásamt því að stuðla að upplýsingagjöf.
2. gr.
Samþykkt þessi sem bæjarstjórn Snæfellsbæjar hefur sett skv. ákvæðum 9. og 18. gr. sveitarstjórnarlaga nr. 138/2011, staðfestist og öðlast þegar gildi.
Samgöngu- og sveitarstjórnarráðuneytinu, 4. mars 2020.
F. h. r.
Hermann Sæmundsson.
|