Deiliskipulag Skógarhverfi áfangi 4 – Asparskógar 3. Bæjarráð Akraness í umboði bæjarstjórnar samþykkti 14. júlí 2021 breytingu á deiliskipulagi Skógarhverfis áfanga 4. Með breytta deiliskipulaginu er byggingarreit breytt og hann stækkaður um 41,5 m², engin breyting er gerð á nýtingarhlutfalli. Deiliskipulagsbreytingin var grenndarkynnt skv. 2. mgr. 43. gr. skipulagslaga nr. 123/2010. Breytingin öðlast þegar gildi.
Deiliskipulag Sementsreits – lóðir við Suðurgötu. Bæjarráð Akraness í umboði bæjarstjórnar samþykkti 14. júlí 2021 breytingu á deiliskipulagi Sementsreits er varðar m.a. lóðir við Suðurgötu frá 92-118 sem fá rýmri byggingarreit, ásamt auknu byggingarmagni á Suðurgötu 110 og 112. Heimilt er að fjarlægja hús við Suðurgötu 108. Deiliskipulagsbreytingin var grenndarkynnt skv. 2. mgr. 43. gr. skipulagslaga nr. 123/2010. Breytingin öðlast þegar gildi.
Deiliskipulag Sementsreits – götur. Bæjarráð Akraness í umboði bæjarstjórnar samþykkti 14. júlí 2021 breytingu á deiliskipulagi Sementsreits, sem felst m.a. í að byggð er aðlöguð að veghönnnun Faxabrautar, einstefnugötur verða frá Faxabraut, djúpgámum komið fyrir og spennistöðvar staðsettar. Fjöldi íbúða miðast við meðalstærð, 100 m². Skilmálatafla er uppfærð vegna fækkunar stæða í götu og fjölgunar íbúða. Skýringarmynd um veghelgunarsvæði er bætt við. Deiliskipulagsbreytingin er samþykkt skv. 3. mgr. 44. gr. skipulagslaga nr. 123/2010. Breytingin öðlast þegar gildi.
Deiliskipulag Flóahverfis – dælistöð. Bæjarráð Akraness í umboði bæjarstjórnar samþykkti 14. júlí 2021 breytingu á deiliskipulagi Flóahverfis, þar sem skilgreind er lóð fyrir dælistöð. Deiliskipulagsbreytingin var grenndarkynnt skv. 2. mgr. 43. gr. skipulagslaga nr. 123/2010. Breytingin öðlast þegar gildi.
Akranesi, 18. júlí 2021.
Hafdís Sigurþórsdóttir,
fulltrúi skipulags- og umhverfissviðs.
|