1. gr.
Af starfsemi sem háð er starfsleyfi eða eftirliti Heilbrigðiseftirlits Vesturlandssvæðis, samkvæmt lögum nr. 7/1998 um hollustuhætti og mengunarvarnir, með síðari breytingum og reglugerðum settum með stoð í þeim og matvælalögum nr. 93/1995 með síðari breytingum, er aðildarsveitarfélögunum heimilt að innheimta gjöld samkvæmt gjaldskrá þessari.
2. gr.
Gjald vegna rannsóknar pr. sýni í eftirlitsáætlun skv. útlögðum kostnaði.
Af eftirlitsskyldri starfsemi er aðildarsveitarfélögunum heimilt að innheimta árlegt gjald af starfsemi eins og fram kemur á fylgiskjali, viðauka A, með gjaldskrá þessari, enda fari fram reglubundið eftirlit með starfseminni, skv. eftirlitsáætlun.
Sé starfsemi rekin skemur en 6 mánuði á ári eða að öðru leyti takmörkuð með svipuðum hætti er heilbrigðisnefnd heimilt að lækka gjaldið.
Ef starfsemi hefur haft samning við faggilta skoðunarstofu síðastliðin þrjú ár, vottað gæðakerfi síðastliðin þrjú ár eða rekið innra eftirlit með starfsemi sinni síðastliðin þrjú ár, sem heilbrigðisnefnd viðurkennir, er heilbrigðisnefnd heimilt að lækka gjöld samkvæmt þessari grein.
Ef einungis hluti margþætts eftirlits með starfsemi fer fram, er heimilt að lækka eftirlitsgjald, sem því nemur.
3. gr.
Af starfsleyfisskyldri starfsemi, er aðildarsveitarfélögunum heimilt að innheimta gjald fyrir starfsleyfi eins og hér segir:
Endurnýjun starfsleyfis:
|
Starfsleyfisgjald |
eitt tímagjald |
|
og gjald skv. reikningi vegna undirbúnings, |
|
|
ferðar, úttektar og frágangs. |
|
|
ásamt auglýsingakostnaði ef við á |
|
Ný starfsemi:
|
Starfsleyfisgjald |
eitt tímagjald |
|
og gjald skv. reikningi vegna undirbúnings, |
|
|
og eftirlitsgjald viðkomandi fyrirtækjaflokks |
|
|
ásamt auglýsingakostnaði ef við á |
|
Önnur starfsleyfi sem ekki eru í eftirlitsáætlun:
|
Starfsleyfisgjald |
eitt tímagjald |
|
|
|
Eftirlitsgjald vegna tóbakssölu |
hálft tímagjald |
4. gr.
Gjald skv. 3. gr. greiðist við afhendingu leyfisbréfs og reiknast dráttarvextir 30 dögum eftir útgáfudag leyfis.
5. gr.
Fyrir vottorð sem Heilbrigðiseftirlit Vesturlandssvæðis gefur út samkvæmt fyrirliggjandi gögnum og fyrir eiturbeiðnir skal greiða hálft tímagjald.
Gjald fyrir þjónustuverkefni og önnur sérstök verkefni greiðist samkvæmt reikningi.
Ef um aukin eftirlitsverkefni er að ræða, umfram reglubundið eftirlit og sýnatöku sem gert er ráð fyrir í eftirlitsáætlun Heilbrigðiseftirlits Vesturlandssvæðis er heilbrigðiseftirlitinu heimilt að gera sérstakan reikning vegna þeirra, eins og um þjónustuverkefni sé að ræða.
6. gr.
Af starfsemi, sem upp er talin í viðauka með lögum nr. 7/1998 um hollustuhætti og mengunarvarnir og Heilbrigðiseftirlit Vesturlandssvæðis hefur eftirlit með samkvæmt samningi við Umhverfisstofnun, skal greiða gjöld samkvæmt 2. gr.
7. gr.
Aðildarsveitarfélögin, eða aðili sem þau tilnefna, annast innheimtu eftirlitsgjalda. Heilbrigðiseftirlit Vesturlandssvæðis innheimtir önnur gjöld samkvæmt gjaldskrá þessari, s.s. fyrir leyfi, vottorð, eiturbeiðnir og þjónustuverkefni.
Heilbrigðiseftirlitið gerir skrá yfir eftirlitsskylda starfsemi í samræmi við viðauka A sem fylgir gjaldskrá þessari og sendir viðkomandi aðildarsveitarfélagi.
Um innheimtu gjalda fer samkvæmt 46. gr. laga nr. 7/1998 um hollustuhætti og mengunarvarnir, með síðari breytingum.
Gjöld samkvæmt gjaldskránni má innheimta með fjárnámi.
8. gr.
Gjalddagi gjalda samkvæmt 2. gr. er 1. apríl og eindagi 1. maí ár hvert. Gjalddagi gjalda af sumarrekinni starfsemi er 1. júlí og eindagi 1. ágúst. Dráttarvextir reiknast frá gjalddaga séu gjöldin ekki greidd á eindaga auk áfallins innheimtukostnaðar.
9. gr.
Þegar sami aðili rekur fleiri en eina tegund starfsemi sem fellur undir gjaldskrá þessa, á einum og sama stað, er heimilt að innheimta eitt árlegt gjald, þá í þeim flokki sem hærri er.
10. gr.
Innheimt gjöld samkvæmt gjaldskrá þessari skulu renna til reksturs heilbrigðiseftirlitsins skv. 46. gr. laga nr. 7/1998 um hollustuhætti og mengunarvarnir, með síðari breytingum.
11. gr.
Gjaldskrá þessi, sem samin er og samþykkt af aðildarsveitarfélögunum skv. 46. gr. laga nr. 7/1998 um hollustuhætti og mengunarvarnir, með síðari breytingum öðlast gildi við birtingu. Um leið fellur úr gildi gjaldskrá nr. 1308/2017 fyrir heilbrigðis-, mengunarvarna- og matvælaeftirlit á Vesturlandssvæði.
Heilbrigðiseftirliti Vesturlands, 28. desember 2018.
Helgi Helgason framkvæmdastjóri.
Fylgiskjal. (sjá PDF-skjal)
|