Hinn 28. janúar 2020 var í London gerður samningur um fyrirkomulag milli Íslands, Fursta­dæmisins Liechtensteins, Konungsríkisins Noregs og Sameinaða konungsríkisins Stóra-Bretlands og Norður-Írlands í kjölfar útgöngu Bretlands úr Evrópusambandinu og úrsagnar þess úr EES-samn­ingnum og öðrum samningum sem gilda milli Bretlands og EFTA-ríkjanna innan EES í krafti aðildar Bretlands að Evrópusambandinu.

Þann sama dag var í London, með orðsendingaskiptum milli Íslands og Sameinaða konungs­ríkisins Stóra-Bretlands, gerð breyting á framangreindum samningi. Með breytingunnni fellst Ísland á að Bretland beiti samningnum til bráðabirgða þar til hann öðlast endanlega gildi hvað Bretland varðar.

Þann 30. janúar 2020 var norska utanríkisráðuneytinu afhent staðfestingarskjal Íslands vegna framan­greinds samnings. Jafnframt var norska utanríkisráðuneytið upplýst um breytinguna á samn­ingnum.

Gildistökudagur samningsins og breytingarinnar er 1. febrúar 2020.

Samningurinn er birtur sem fylgiskjal 1 með auglýsingu þessari og breytingin sem fylgiskjal 2.

Þetta er hér með gert almenningi kunnugt.

Utanríkisráðuneytinu, 31. janúar 2020.

Guðlaugur Þór Þórðarson.

Fylgiskjöl.
(sjá PDF-skjal)