Forseti Íslands
gjörir kunnugt: Alþingi hefur fallist á lög þessi og ég staðfest þau með samþykki mínu:

1. gr.

    Í stað 2. málsl. 1. mgr. 17. gr. laganna koma tveir nýir málsliðir, svohljóðandi: Nefndarmönnum er þó heimilt að taka þátt í nefndarfundi með notkun fjarfundarbúnaðar þegar sérstaklega stendur á, svo sem af heilsufars- eða sóttvarnarástæðum, vegna samgöngutruflana eða veikinda aðstand­enda eða þegar fundir eru haldnir utan starfsáætlunar þingsins. Forföll og notkun fjarfundar­heimildar skal tilkynna nefndarritara með eins góðum fyrirvara og unnt er.

2. gr.

    Við 2. málsl. 22. gr. laganna bætist: eða tekur þátt í fundi samkvæmt heimild í 2. málsl. 1. mgr. 17. gr.

3. gr.

    Lög þessi öðlast þegar gildi.

Gjört á Bessastöðum, 11. nóvember 2020.

Guðni Th. Jóhannesson.
(L. S.)

Katrín Jakobsdóttir.