1. gr.
Almenn ákvæði.
1.1. |
Vegna byggingarleyfis, framkvæmdaleyfis eða vegna annarrar þjónustu sem skipulags- og byggingarfulltrúi veitir, skal greiða þau gjöld sem gjaldskrá þessi kveður á um. |
1.2. |
Tekjum sveitarfélagsins skv. gjaldskrá þessari skal varið til að standa undir hluta kostnaðar vegna þjónustu skipulags- og byggingarfulltrúa við viðskiptavini sveitarfélagsins. |
2. gr.
Skilgreiningar.
2.1. |
Afgreiðslugjald: Gjald sem greiðist við móttöku umsóknar um byggingarleyfi, framkvæmdaleyfi, skipulag eða skipulagsbreytingu. Í gjaldinu felst kostnaður sveitarfélagsins við móttöku og yfirferð erindisins. |
2.2. |
Úttektargjald: Gjald sem greiðist vegna úttektar byggingarfulltrúa á framkvæmdastað. |
2.3. |
Umsýslu- og auglýsingakostnaður: Kostnaður sem fellur til innan sveitarfélagsins vegna afgreiðslu umsóknar, birtingu auglýsinga, póstsendinga og annarrar umsýslu. |
2.4. |
Auka yfirferð: Yfirferð breyttra skipulagsgagna þar sem umsókn og móttaka gagna hefur áður átt sér stað. |
3. gr.
Byggingarleyfis- og byggingarheimildargjöld.
3.1. |
Samkvæmt gjaldskrá þessari skal greiða byggingarleyfis- og byggingarheimildargjöld fyrir útgáfu á byggingarleyfi/byggingarheimild sem byggingarfulltrúi veitir. Innifalið í byggingarleyfis- og byggingarheimildargjaldi er ein yfirferð aðaluppdrátta, samþykkt byggingaráforma og útgáfa byggingarleyfis/byggingarheimildar, hæðarsetning og útsetning lóðar, skráning mannvirkja, stöðuskoðanir og vottorð um öryggis- og lokaúttekt. Fyrir byggingarleyfi/byggingarheimild nýrra húsa, viðbygginga, breytinga húsa, verulegra breytinga innan lóða og samþykki fyrir breyttri notkun greiðist fast gjald 75.000 kr. Að auki greiðist fyrir hvern fermetra nýbygginga og viðbygginga skv. eftirfarandi: |
|
Nýbygging eða viðbygging íbúðarhúsnæðis |
450 kr. pr. m² brúttó |
|
Iðnaðar-, þjónustu- og landbúnaðarbyggingar |
340 kr. pr. m² brúttó |
3.2. |
Gjaldskrá afgreiðslu- og þjónustugjalda. |
|
Greiða skal fyrir þjónustu og leyfisveitingu sem byggingarfulltrúi veitir umfram þá sem innifalin er í byggingarleyfisgjaldi: |
|
Afgreiðslugjald |
15.000 kr. |
|
Endurtekning á yfirferð uppdrátta |
15.000 kr. |
|
Yfirferð eignaskiptayfirlýsinga, 2 til 4 eignir í húsi |
35.000 kr. |
|
Yfirferð eignaskiptayfirlýsinga, 5 eða fleiri eignir í húsi |
50.000 kr. |
|
Endurtekin yfirferð á eignaskiptayfirlýsingu |
15.000 kr. |
|
Úttekt vegna byggingarstjóraskipta |
30.000 kr. |
|
Endurtekning lokaúttektar |
30.000 kr. |
|
Stöðuúttekt |
30.000 kr. |
|
Vottorð, önnur en þau sem fram koma í gjaldskrá |
30.000 kr. |
|
Fyrir hverja aukaútsetningu lóðar/húss; pr. mælingu |
skv. reikningi |
|
Afgreiðslugjald vegna tilkynntra framkvæmda |
30.000 kr. |
|
Afgreiðslugjald húsa sem eru byggð utan lóðar og ætluð til flutnings úr héraði |
80.000 kr. |
|
Stöðuleyfi; gámar, hús, bátar, hjólhýsi, sumarhús, söluvagnar o.fl. |
30.000 kr. |
|
Útprentun uppdrátta: |
|
A0: |
1.100 kr./blað |
|
A1: |
800 kr./blað |
|
A2: |
400 kr./blað |
|
A3: |
150 kr./blað |
|
Heimilt er að leggja aukagjald á umsækjanda vegna aðkeyptrar vinnu skv. útlögðum kostnaði. Heimilt er að innheimta tímagjald 15.000 kr./klst. vegna vinnu byggingarfulltrúa sem ekki er skilgreind í gjaldskrá og vinnu sem er veruleg umfram gjaldskrá. |
|
Stöðuleyfi er að jafnaði veitt til eins árs. |
3.3. |
Fermetragjald skv. gr. 3.2. reiknast af brúttóflatarmáli skv. lokunarflokki A skv. gr. 4.4. í ÍST50. |
3.4. |
Stöðuleyfi til eins árs er miðað við hverja einingu, þar sem ein eining getur til dæmis verið einn gámur af mörgum í vinnubúðum. Álögð gjöld skv. 51. gr. og 53. gr. laga um mannvirki nr. 160/2010 um veitingu stöðuleyfis skulu greidd áður en leyfi er gefið út. |
3.5. |
Byggingarleyfisgjald samkvæmt gjaldskrá þessari skal greiða fyrir útgáfu byggingarleyfis. |
3.6. |
Skipulags- og byggingarfulltrúi áætlar fjölda áfangaúttekta við útgáfu byggingarleyfis og leggur á gjöld vegna þeirra við útgáfu byggingarleyfis. |
3.7. |
Fyrir yfirferð nýrra eða breyttra hönnunargagna eftir útgáfu byggingarleyfis greiðast 15.000 kr. til 100.000 kr. eftir umfangi. |
3.8. |
Vegna aðkeyptrar vinnu við útgáfu byggingarleyfis verður innheimt sérstaklega samkvæmt reikningi hverju sinni. |
4. gr.
Kostnaður vegna skipulagsvinnu.
4.1. |
Meginreglan er að sá sem óskar eftir nýju deiliskipulagi eða breytingu á gildandi aðal- eða deiliskipulagi greiðir þann kostnað sem verkið hefur í för með sér. Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsinga og kynninga vegna málsins. |
4.2. |
Skipulagsnefnd getur ákveðið að falla frá gjaldtöku ef skipulagsvinna á vegum sveitarfélagsins er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið. |
4.3. |
Ef kostnaður vegna vinnu skipulagsfulltrúa eða aðkeyptrar vinnu er verulega umfram viðmiðunargjald vegna umfangs verksins er heimilt að leggja á til viðbótar tímagjald skipulagsfulltrúa sem er 15.000 kr./klst. eða gjald skv. reikningi. |
4.4. |
Kostnaður vegna aðalskipulagsbreytinga: |
|
Afgreiðslugjald |
15.000 kr. |
|
Breyting á aðalskipulagsuppdrætti, sbr. 36. gr. skipulagslaga nr. 123/2010, vinnsla breytingartillögu |
skv. reikning |
|
Umsýslu- og auglýsingakostnaður, sbr. 1. mgr. 36. gr. skipulagslaga nr. 123/2010 |
230.000 kr. |
|
Umsýslu- og auglýsingakostnaður, sbr. 2. mgr. 36. gr. skipulagslaga nr. 123/2010 |
75.000 kr. |
4.5. |
Kostnaður vegna nýs deiliskipulags: |
|
Afgreiðslugjald |
15.000 kr. |
|
Nýtt deiliskipulag, sbr. 2. mgr. 38. gr. skipulagslaga nr. 123/2010, skv. útlögðum kostnaði, viðmiðunargjald |
skv. reikningi |
|
Nýtt deiliskipulag án lýsingar og kynningar, skv. 4. mgr. 40. gr. skipulagslaga nr. 123/2010, vinnsla breytingartillögu |
skv. reikningi |
|
Umsýslu- og auglýsingakostnaður, sbr. 2. mgr. 38. gr. skipulagslaga nr. 123/2010 |
260.000 kr. |
|
Umsýslu- og auglýsingakostnaður, sbr. 4. mgr. 40. gr. skipulagslaga nr. 123/2010 |
150.000 kr. |
4.6. |
Kostnaður vegna verulegra breytinga á deiliskipulagi: |
|
Breyting á deiliskipulagsuppdrætti, sbr. 1. mgr. 43. gr. skipulagslaga nr. 123/2010, vinnsla breytingartillögu |
skv. reikningi |
|
Umsýslu- og auglýsingakostnaður, sbr. 1. mgr. 43. gr. skipulagslaga nr. 123/2010 |
150.000 kr. |
4.7. |
Kostnaður vegna óverulegra breytinga á deiliskipulagi: |
|
Breyting á deiliskipulagsuppdrætti, sbr. 2. mgr. 43. gr. skipulagslaga nr. 123/2010, vinnsla breytingartillögu |
skv. reikningi |
|
Umsýslu- og auglýsingakostnaður, sbr. 2. mgr. 43. gr. skipulagslaga nr. 123/2010 með grenndarkynningu |
70.000 kr. |
|
Umsýslu- og auglýsingakostnaður, sbr. 2. mgr. 43. gr. skipulagslaga nr. 123/2010 án grenndarkynningar |
30.000 kr. |
4.8. |
Kostnaður vegna grenndarkynningar: |
|
Grenndarkynning, sbr. 1. mgr. 44. gr. skipulagslaga nr. 123/2010, deiliskipulag ekki fyrir hendi: |
50.000 kr. |
4.9. |
Kostnaður lóðamála: |
|
Afgreiðslugjald |
15.000 kr. |
|
Stofnun lóða í Landskrá fasteigna á grundvelli deiliskipulags, grunngjald |
30.000 kr. |
|
Landnúmer umfram eitt (per lóð) |
10.000 kr. |
|
Breyting á skráningu í Landskrá fasteigna |
15.000 kr. |
5. gr.
Kostnaður vegna framkvæmdaleyfis.
5.1. |
Skipulagsfulltrúi áætlar fjölda áfangaúttekta við útgáfu framkvæmdaleyfis og leggur á gjöld vegna þeirra við útgáfu leyfisins. |
5.2. |
Framkvæmdaleyfisgjald skal ekki vera hærra en sem nemur kostnaði sveitarfélagsins við undirbúning leyfisins og eftirlit sem skylt er að framkvæma. |
5.3. |
Vegna aðkeyptrar vinnu við framkvæmdaleyfi sem nauðsynleg er vegna útgáfu þess skal innheimta sérstaklega samkvæmt reikningi hverju sinni. |
5.4. |
Þegar úrskurður um mat á umhverfisáhrifum samkvæmt lögum nr. 111/2021 er nauðsynlegur vegna framkvæmdar, telst kostnaður sveitarfélagsins vegna þeirrar vinnu hluti af útlögðum kostnaði þess við útgáfu framkvæmdaleyfisins. |
5.5. |
Fyrir framkvæmdaleyfi skal greiða gjöld sem hér segir: |
|
Afgreiðslugjald |
15.000 kr. |
|
Framkvæmdaleyfi – framkvæmdir skv. 1. og 2. viðauka laga um mat á umhverfisáhrifum nr. 111/2021, viðmiðunargjald |
120.000 kr. |
|
Framkvæmdaleyfi – aðrar framkvæmdir, viðmiðunargjald |
50.000 kr. |
|
Eftirlit umfram eina ferð sem innifalin er í framkvæmdaleyfisgjaldi |
15.000 kr. |
6. gr.
Gjalddagi, lögveð.
6.1. |
Gjalddagi afgreiðslugjalds er við móttöku umsókna. |
6.2. |
Gjalddagi þjónustugjalda er við afhendingu gagna eða afgreiðslu erindis. |
6.3. |
Byggingarleyfisgjöld skv. 3. gr. skal greiða fyrir útgáfu byggingarleyfis. |
6.4. |
Gjöld skv. 4. gr. falla í gjalddaga þegar sveitarstjórn hefur samþykkt erindi umsækjanda um að láta hefja vinnu við nýtt deiliskipulag, breytingu á gildandi aðal- eða deiliskipulagi eða grenndarkynningu. |
6.5. |
Framkvæmdaleyfisgjald skv. 5. gr. skal greiða fyrir útgáfu framkvæmdaleyfis. |
6.6. |
Gjalddagi annarra leyfisgjalda er við útgáfu leyfis. |
6.7. |
Afgreiðslugjöld eru ekki endurkræf þótt umsókn sé synjað, leyfi falli úr gildi eða umsókn dregin til baka. Leyfis- og þjónustugjöld samkvæmt gjaldskrá þessari eru ekki endurkræf þótt ekki verði af framkvæmd. Þó skulu áætluð þjónustugjöld endurgreidd verði ekki af framkvæmdum á gildistíma byggingarleyfis. |
6.8. |
Heimilt er að gera skriflegan samning um greiðslur. |
6.9. |
Gjöldum samkvæmt gjaldskrá þessari fylgir lögveð í viðkomandi fasteign eða lóð og gjaldfallin gjöld má innheimta með fjárnámi. |
7. gr.
Verðlagsbreytingar.
7.1. |
Gjöld skv. gjaldskrá þessari miðast við byggingarvísitölu með grunnvísitölu 110,2 stig í desember 2022. Gjöldin taka breytingum 1. janúar ár hvert í samræmi við breytingu á vísitölunni. Endurskoðaðar fjárhæðir gjalda skulu námundaðar í næsta heila hundrað. |
8. gr.
Gildistaka o.fl.
8.1. |
Gjaldskrá þessi var samþykkt af sveitarstjórn Húnabyggðar 14. febrúar 2023 í samræmi við lög um mannvirki nr. 160/2010 og skipulagslög nr. 123/2010. Gjaldskráin tekur þegar gildi. Með gjaldskrá þessari fellur úr gildi gjaldskrá nr. 1307/2013. |
Húnabyggð, 14. febrúar 2023.
Pétur Arason sveitarstjóri.
|