Í samræmi við skipulagslög nr. 123/2010 hefur sveitarstjórn Grímsnes- og Grafningshrepps sam­þykkt eftirfarandi deiliskipulagsáætlanir:

Deiliskipulagsbreyting, Kerhraun C 88, L197677.
Í deiliskipulagsbreytingunni felst breyting á byggingarreit lóðarinnar.
Samþykkt í sveitarstjórn 13. október 2022.

Deiliskipulagsbreyting, Markalækur, L192476.
Deiliskipulagsbreytingin nær til 2 ha lands Markalæks, L192476, og gerir ráð fyrir sameiningu tveggja lóða í eina lóð ásamt breyttum byggingarheimildum innan svæðisins. Innan deili­skipulagsins er gert ráð fyrir uppbyggingu á íbúðarhúsi, allt að 6 gestahúsum og atvinnu­húsnæði. Fyrri birting vegna málsins í B-deild nr. 994/2022, birt 31. ágúst 2022, fellur úr gildi með birtingu þessari.
Samþykkt í sveitarstjórn 13. október 2022.

Deiliskipulag, Nesjar L170877 og L170890 (Litla-Hestvík 1 og 2) og Kleifakot, L170903.
Innan deiliskipulagsins er gerð grein fyrir skilgreiningu lóða og byggingarheimildum innan þeirra.
Samþykkt í sveitarstjórn 4. október 2022.

Óveruleg breyting á deiliskipulagi, Nesjaskógur, sumarhúsasvæði við Hestvík í landi Nesja.
Samhliða gildistöku deiliskipulags sem tekur til Nesja, L170877 og L170890 og Kleifakots, L170903 er gerð óveruleg breyting að afmörkun aðliggjandi deiliskipulagssvæðis sem tekur til Nesjaskógar við Hestvík í landi Nesja nr. 2951. Í breytingunni felst að svæði umrædds skipulags sem tekur til Nesja og Kleifakots er fellt út úr deiliskipulagi Nesjaskógar.
Samþykkt í sveitarstjórn 4. október 2022.

Deiliskipulag, Klausturhólar, bæjartorfa.
Í deiliskipulaginu felst skilgreining byggingarheimilda á 7 lóðum og 8 byggingarreitum. Innan svæðisins er m.a. gert ráð fyrir uppbyggingu íbúðarhúsa, skemma og hesthúss. Samþykkt í sveitarstjórn 19. október 2022.

Deiliskipulagsbreyting, Vaðnes, Nesvegur 1-8.
Í breytingunni felast breyttir deiliskipulagsskilmálar innan svæðisins auk þess sem kvaðir eru settar á lágmarks hæðarkóta vegna flóðahættu.
Samþykkt í sveitarstjórn 21. september 2022.

Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.

Laugarvatni, 9. nóvember 2022.

Skipulagsfulltrúi Umhverfis- og tæknisviðs uppsveita bs.,

Vigfús Þór Hróbjartsson.