Breyting á deiliskipulagi 1. áfanga Hellnahrauns, lóð nr. 9 við Hringhellu. Í samræmi við skipulagslög samþykkti skipulags- og byggingarráð Hafnarfjarðarkaupstaðar á fundi sínum þann 9. október 2018, breytingu á deiliskipulagi 1. áfanga Hellnahrauns, vegna lóðarinnar að Hringhellu 9. Deiliskipulagsbreytingin, sem felst í að lóðinni verði skipt í tvær lóðir, Hringhellu 9 og 9a, og fjölgun og tilfærslu innkeyrslna, var auglýst frá 18. október 2018 til 29. nóvember 2018. Engar athugasemdir bárust. Málsmeðferð deiliskipulagsbreytingarinnar var samkvæmt 1. mgr. 43. gr. skipulagslaga nr. 123/2010 og öðlast hún þegar gildi.
Hafnarfirði, 24. janúar 2019.
F.h. skipulagsfulltrúa,
Guðrún Guðmundsdóttir.
|