Í samræmi við skipulagslög nr. 123/2010 hefur sveitarstjórn Flóahrepps samþykkt eftirfarandi deiliskipulagsáætlanir:
Deiliskipulag, Arnarstaðakot, L166219. Deiliskipulagið tekur til um 2 ha svæðis innan jarðarinnar Arnarstaðakots. Innan deiliskipulagsins er gert ráð fyrir núverandi byggingum svæðisins auk þess sem skilgreindir eru byggingarreitir og byggingarheimildir fyrir íbúðarhús, aðstöðuhús og reiðhöll. Samþykkt í sveitarstjórn 18. ágúst 2020.
Deiliskipulag, Hrafnaklettar, L166387. Skipulagssvæðið er 2 ha spilda sem skipt hefur verið úr jörðinni Súluholti. Deiliskipulagið gerir ráð fyrir byggingu íbúðarhúsa og skemmu á tveimur byggingarreitum B1 og B2. Innan byggingarreits B1 er heimilt að byggja allt að 150 m2 íbúðarhús og allt að 300 m² skemmu. Innan byggingarreits B2 er núverandi frístundahús, sem gert verður að íbúðarhúsi, og það stækkað í allt að 80 m². Aðkoma að Hrafnaklettum er af Önundarholtsvegi (nr. 311) og núverandi aðkomuvegi að landinu. Samþykkt í sveitarstjórn 1. október 2019.
Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.
Laugarvatni, 30. september 2020.
Skipulags- og byggingarfulltrúi uppsveita bs.,
Vigfús Þór Hróbjartsson.
|