1. gr.
Breytingar á viðauka II öðlast gildi hér á landi með reglugerð nr. 1289/2022 um (3.) breytingu á reglugerð nr. 1000/2005 um kortlagningu hávaða og aðgerðaáætlanir sem birt er í B-deild Stjórnartíðinda: Breytingar á viðauka II um staðlaðar matsaðferðir fyrir hávaða í tilskipun framkvæmdastjórnarinnar (ESB) 2021/1226 frá 21. desember 2020 um að koma á sameiginlegum matsaðferðum fyrir hávaða samkvæmt tilskipun Evrópuþingsins og ráðsins 2002/49/EB, sem vísað er til í tölulið 32g XX. viðauka samningsins um Evrópska efnahagssvæðið eins og honum var breytt með ákvörðun sameiginlegu EES-nefndarinnar nr. 18/2022, þann 4. febrúar 2022. Viðaukinn er birtur á ensku í fylgiskjali með auglýsingu þessari.
2. gr.
Auglýsing þessi er sett með stoð í 15. tölul. 5. gr. laga nr. 7/1998 um hollustuhætti og mengunarvarnir, sbr. heimild í 2. mgr. 4. gr., sbr. 2. mgr. 3. gr. laga nr. 15/2005 um Stjórnartíðindi og Lögbirtingablað og öðlast þegar gildi.
Þetta er hér með gert almenningi kunnugt.
Umhverfis-, orku- og loftslagsráðuneytinu, 23. nóvember 2022.
Guðlaugur Þór Þórðarson.
|