Bæjarstjórn Garðabæjar samþykkti á fundi sínum þann 19. mars 2020 eftirfarandi deili­skipulag:

Nýtt deiliskipulag Garðahrauns efra, fólkvangur.
Markið deiliskipulagsins eru þau sömu og markmið friðlýsingarinnar; að byggja upp svæðið sem útivistarsvæði í þéttbýli þar sem jarðmyndanir, gróðurfar, fuglalíf og menningarminjar eru vernd­aðar. Í deiliskipulaginu er gert ráð fyrir nýrri upplýstri göngu- og hjólaleið í gegnum svæðið og stikuðum leiðum. Fyrirhugaðir eru áningarstaðir og fræðsluskilti.

Bæjarstjórn Garðabæjar samþykkti á fundi sínum þann 19. mars 2020 eftirfarandi deili­skipulags­breytingu:

Bæjargarður, breyting á deiliskipulagi Bæjargarðs.
Breytingartillagan gerir ráð fyrir því að skilgreind sé 2ja metra há vallargirðing umhverfis gervi­grasvöll. Heildarskipulag garðsins er uppfært m.t.t. fyrirliggjandi hönnunar.

Bæjarstjórn Garðabæjar samþykkti á fundi sínum þann 21. nóvember 2019 eftirfarandi deili­skipulagsbreytingu:

Bessastaðir, breyting á deiliskipulagi Bessastaða.
Breytingartillagan gerir ráð fyrir því að öryggi og aðgengi ferðamanna og annarra sem sækja Bessastaði heim sé bætt. Gert er ráð fyrir að bílastæði norðan- og vestanmegin við kirkjuna verði flutt yfir á túnið norðan við núverandi heimreið og fjær forsetasetrinu. Gert er ráð fyrir 110 stæðum. Gert er ráð fyrir um 20 stæðum fyrir framan kirkjuna, þar af 2 fyrir hreyfihamlaða. Gert er ráð fyrir stæðum fyrir hópferðabíla meðfram heimreið að norðanverðu. Öryggishlið færist til.

Í samræmi við skipulagslög nr. 123/2010 samþykkti skipulagsstjóri Garðabæjar, með vísan til heimilda um embættisafgreiðslur skipulagsstjóra í viðauka II við samþykkt um stjórn Garðabæjar, þann 14. mars 2020 eftirfarandi deiliskipulagsbreytingu:

Hagaflöt 20, óveruleg breyting á deiliskipulagi Flata.
Breytingin gerir ráð fyrir því að brunagafl verði 15,58 m í staðinn fyrir 7,5 m.

Ofangreindar deiliskipulagsáætlanir hafa hlotið þá meðferð sem skipulagslög nr. 123/2010 kveða á um og öðlast þegar gildi.

Garðabæ, 15. maí 2020.

Arinbjörn Vilhjálmsson skipulagsstjóri.