Dalhús 83-85.
Í samræmi við skipulagslög nr. 123/2010 samþykkti skipulagsfulltrúi Reykjavíkur, með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkur­borgar, þann 28. ágúst 2020, breytingu á deiliskipulagi Húsahverfis vegna lóðarinnar nr. 83-85 við Dalhús. Í breytingunni felst aukning á byggingarmagni þannig að hámarkstærð húss verður 238 m² í stað 210 m², svalir geti verið allt að 1,9 m frá útvegg byggingarreits og að heimilt verði að byggja yfir svalir á suðurhlið. Uppdrættir hafa hlotið meðferð samkvæmt 2. mgr. 43. gr. skipulags­laga nr. 123/2010. Breytingin öðlast þegar gildi.  

Reykjavíkurflugvöllur.
Í samræmi við skipulagslög nr. 123/2010 samþykkti borgarstjórn Reykjavíkur, þann 16. júní 2020, breytingu á deiliskipulagi Reykjavíkurflugvallar. Í breytingunni felst breyting á deiliskipulags­mörkum og færslu á flugvallargirðingu til austurs til móts við Nauthólsvík, vegna aðkomutengingar við Fossvogsbrú. Uppdrættir hafa hlotið meðferð samkvæmt 1. mgr. 43. gr. skipulagslaga nr. 123/2010. Breytingin öðlast þegar gildi.

Nauthólsvík.
Í samræmi við skipulagslög nr. 123/2010 samþykkti borgarstjórn Reykjavíkur, þann 16. júní 2020, breytingu á deiliskipulagi Nauthólsvíkur vegna aðkomutengingar við fyrirhugaða Fossvogsbrú á um 350 m kafla nýrrar tveggja akreina akbrautar fyrir almenningssamgöngur sem fellur innan deili­skipulagsins. Kaflinn er hluti af stærri framkvæmd sem er brú yfir Fossvog fyrir almennings­samgöngur, gangandi og hjólandi vegfarendur. Samhliða breytingunni eru gerðar nokkrar fleiri breyt­­ingar á skipulaginu og það uppfært miðað við núverandi ástand. Uppdrættir hafa hlotið meðferð samkvæmt 1. mgr. 43. gr. skipulagslaga nr. 123/2010. Breytingin öðlast þegar gildi.

Skipulagsfulltrúi Reykjavíkur, 2. september 2020.

Björn Axelsson.