Skipulagsstofnun staðfesti þann 30. ágúst 2017 breytingu á aðalskipulagi Skeiða- og Gnúpverjahrepps 2004-2016 sem samþykkt var í sveitarstjórn 1. ágúst 2017. Í breytingunni felst að 4 ha af spildu sem er skilgreind sem landbúnaðarland austan við þéttbýlið Árnes er breytt í svæði fyrir verslun og þjónustu. Fyrirhugað er að byggja gistiaðstöðu fyrir allt að 30 manns í litlum einlyftum húsum og þjónustuhús vegna hestaferða. Málsmeðferð var samkvæmt 1. mgr. 36. gr. skipulagslaga nr. 123/2010.
Skipulagsstofnun, 30. ágúst 2017.
Ásdís Hlökk Theodórsdóttir.
Ottó Björgvin Óskarsson.
|